Concello de Moraña

Prestación económica por fillo/a a cargo 2012

admin — Wed, 22 Feb 2012 12:04:43 +0000

DONA. Mª LUISA PIÑEIRO ARCOS, ALCALDESA-PRESIDENTE DO CONCELLO DE MORAÑA.

FAI SABER:
Que a Consellería de Traballo e Benestar, en base a Orde do 30 de decembro de 2011, convoca UNHA PRESTACIÓN ECONÓMICA DE PAGAMENTO ÚNICO POR FILLO/A MENOR A CARGO.

BENEFICIARIAS/OS:
Persoas que teñan o seu cargo fillos/ as menores de tres anos, nados entre 2-01-2009 e o 101-2012 e que por razón dos ingresos obtidos durante o ano 2010, nin elas nin ningún membros da unidade familiar estivesen obrigados a presenta-la declaración do imposto sobre a renda das persoas físicas correspondente a este período, nin a tivesen presentado de xeito voluntario aínda sen estar abrigados a iso.

REQUISITOS:
- Que os proxenitores teñan a súa residencia habitual en Galicia.
- Que á data da solicitude os nenas-as convivan ca solicitante.
- NON TER FEITA A DECLARACIÓN DA RENDA NO 2010

DOCUMENTACIÓN NECESARIA:
- D.N.I/NIF. Da persoa solicitante e do seu cónxuxe ou parella.
- Libro de familia.
- Certificado de convivencia de toda a unidade familiar.
- Copia da sentencia de nulidade, separación ou divorcio, de se-lo caso.
- Fotocopia da cartilla de aforros na que figure o n° de conta do solicitante.

PRAZO DE SOLICITUDES:
Ata o 26 de marzo de 2012.
Para máis información e tramitación das axudas deberán acudir á oficina municipal do Servizo Social Comunitario do Concello, os días de atención o público (luns, martes e xoves), en horario de 9 a 13 horas ata o 22 de marzo.
O que se fai público para xeral coñecemento.

Podedes descargar o bando en pdf aquí: PRESTACION ECONOMICA POR FILLO A CARGO 2012

Curso de Manipulación de Alimentos

admin — Wed, 22 Feb 2012 11:32:28 +0000

O Concello de Moraña organiza un Curso de Manipulación de Alimentos o día 28 de Marzo das 18:00 ás 21:00 na Casa de Cultura A.D.R. Castelao.

Os destinatario é toda persoa que pola súa actividade laboral interveña nalgunha das fases polas que pasa o alimento dende que o recibe ata o servizo ao consumidor (preparación, fabricación, transformación, envasado, transporte, distribución, manipulación, venda, subministración e servizo).

O prezo do curso é de 30 euros. A inscripción é ata o 23 de Marzo na Casa do Concello, ou no teléfono 986 553 005, achegando unha fotografía e copia do DNI.

Podedes descargar o cartel do curso aquí: Cartel manipulador de alimentos MORAÑA

I Torneo Fútbol Prebenxamín Moraña CF

admin — Thu, 16 Feb 2012 11:21:32 +0000

Este 18 de febreiro terá lugar en Moraña o I Torneo de Fútbol Prebenxamín Moraña CF. Terá lugar no Campo dos Colexios de Santa Lucía entre o Moraña A, Moraña B, Barro e Cuntis.
Haberá unha exhibición en circuíto de terra de coches teledirixidos a cargo de Hobby Kit Car (Moraña, Santa Lucía).
Podedes descargar o cartel do torneo aquí: TORNEOCARNAVAL2012

Accións contra o Cambio Climático

admin — Thu, 16 Feb 2012 11:15:55 +0000

Este mes de febreiro o Concello de Moraña realizará dúas accións para informar e educar sobre a importancia da sostenibilidade e para loitar contra o cambio climático.
- En primeiro lugar, terá lugar unha exposición no Casa de Cultura A.D.R. Castelao do 13 ao 27 de Febreiro.
- Realizaranse tamén Obradoiros fronte ao cambio climático o mércores 22 de febreiro de 17:00 a 19:00 para nenos e nenas de 6 a 14 anos e para adultos.

Podedes descargar o cartel destas actividades aquí: Cartel Cambio Climático

Curso de Teatro para maiores de 18 anos

admin — Thu, 02 Feb 2012 17:03:12 +0000

De febreiro a xullo de 2012, terá lugar todos os martes de 20:30 a 22:30 un Curso de Teatro para maiores de 18 anos na Casa de Cultura A.D.R. Castelao.
Para informarse e inscribirse podedes chamar ao teléfono 986 552 809 (Biblioteca).
Dádevos prisa, hai límite de prazas!!!
Podedes descargar o cartel aquí: curso de teatro.pdf

Programación Entroido 2012

admin — Wed, 01 Feb 2012 12:45:03 +0000

O Concello de Moraña presenta a súa programación para a celebración do Entroido 2012. En primeiro lugar, o domingo 19 de febrero terá lugar o tradicional desfile, ás 17:00 horas na Carballeira de Santa Lucía. As comparsas que estean compostas por 15 ou máis membros del Concello percibirán unha axuda de 120 euros só por participar. Para iso, deben inscribirse na Biblioteca ( 986 552 809) antes das 21 horas do mércores 15 de febreiro, presentando a relación dos membros que as forman.

Os premios serán:
• COMPARSAS:
1º Premio: 300 Euros
2º Premio: 275 Euros
3º Premio: 225 Euros

• GRUPOS
1º Premio: 180 Euros
2º Premio: 125 Euros
3º Premio: 100 Euros

PARELLAS
1º Premio: 110 Euros
2º Premio: 80 Euros
3º Premio: 55Euros

INDIVIDUAL
1º Premio: 80 Euros
2º Premio: 55 Euros
3º Premio: 40 Euros

Haberá un premio especial e único de 100 Euros á comparsa, grupo, parella ou individual máis divertido.

O martes 21 de febrero teRemos de 18:00 a 21:00 no Pavillón Municipal unha disco móbil con animadores e mascotas para celebrar a Festa Infantil de Disfraces.
Agardámosvos a todos!!!

Poddedes descargar o cartel completo do Carnaval aquí: entroido.pdf

E o cartel da festa infantil aquí: Cartel Festa Infantil.pdf

Anuncio no BOP de Subasta de Reses Mostrencas

admin — Tue, 24 Jan 2012 12:57:15 +0000

Anuncio publicado no BOP sobre a subasta de reses mostrencas.

Podedes ver o anuncio publicado aquí: BOPresesmostrencas.pdf

Listaxe Definitiva de Agarda da Escola Infantil de Moraña

admin — Wed, 18 Jan 2012 09:37:59 +0000

RESOLUCIÓN DA XERENCIA DO CONSORCIO GALEGO DE SERVIZOS DE IGUALDADE E BENESTAR POLA QUE SE FAI PÚBLICA A LISTAXE DEFINITIVA DE AGARDA DA ESCOLA INFANTIL DE MORAÑA PARA O CURSO 2011-2012.
O Consello escolar da Escola Infantil de Moraña na súa sesión do 11.01.2012 efectuou a proposta inicial de selección das persoas usuarias do dito centro para o curso 2011-2012
A Xerencia do Consorcio Galego de Servizos de Igualdade e Benestar ten a competencia para ditar a resolución que da publicidade á dita listaxe, de conformidade co previsto no artigo 18 do Regulamento de Réxime Interior das Escolas Infantís integradas na Rede de Escolas Infantís de Galicia, xestionadas polo Consorcio.
En atención ao exposto,
RESOLVO
1. Facer pública a listaxe definitiva de agarda da Escola Infantil de Moraña para o curso escolar 2011-2012, por tramos de idade e orde de puntuación, segundo o anexo I desta resolución.

Santiago de Compostela, 17 de xaneiro de 2012
Roberto Rodríguez Martínez Xerente

Podes consultar a listaxe completa no seguinte vínculo: Listas_definitivas_Moranha.pdf

Axudas para o fomento da Silvicultura e para a prevención de ataques do lobo ao gando.

admin — Mon, 16 Jan 2012 09:50:11 +0000

Dona MARIA LUISA PIÑEIRO ARCOS, ALCALDESA-PRESIDENTA DO CONCELLO DE MORAÑA.
FAI SABER: Que a Consellería do Medio Rural (Xunta de Galicia) convocou as seguintes
AXUDAS PARA O FOMENTO DA SILVICULTURA
BENEFICIARIOS: Comunidades de montes veciñais en man común, propietarios particulares, etc.
ACTUACIÓNS FORESTAIS SUBVENCIONABLES: Rareas en masas de coníferas (pino) con diámetro normal medio de masa inferior a 12 cm. Rozas previas ás podas, e podas en masas de coníferas (pino).
Tratamentos silvícolas en masas de frondosas, caducifolias, sobreiras e aciñeiras con diámetro
normal medio da masa comprendido entre os 10 e os 20 cm.
Rexeneración e/ou mellara de soutos de castiñeiros cunha densidade mínima de 100 pés/ha. Tratamentos silvícolas en masas de eucaliptos có obxectivo de obter madeira de calidade para sena ou chapa, en quenda de 25 anos.

IMPORTES DAS AXUDAS: A intensidade da axuda será como máximo do 50%, calculándose a axuda sobre o custo real do investimento determinado no correspondente proxecto técnico.
PRAZO: O prazo de presentación de solicitudes remata o 6 de febreiro de 2012

AXUDAS PARA A PREVENCIÓN DE ATAQUES DO LOBO AO GANDO
BENEFICIARIOS: Gandeiros con explotación s das especies ovina, vacúa, cabrúa e de porco celta, que teñan o gando identificado e saneado de acordo coa normativa aplicable para o efecto e que acrediten a súa inclusión no Rexistro de Explotacións Agrarias de Galicia.

ACTUACIÓNS SUBVENCIONABLES: Adquisición de pastores eléctricos e cans mastíns, o emprego de curros con malla electrificada e a instalación de cercados con malla ovelleira e postes de madeira tratada.

IMPORTES DAS AXUDAS: As axudas concedidas poderán cubrir, a totalidade do custo de adquisición das actuacións obxecto de axuda (non será subvencionable o IVE, o transporte de
materiais, nin man de obra para a instalación e mantemento dos pastores eléctricos e todos aqueles que figuren no artigo 29 da Lei 9/2007 de subvencións de Galicia como non subvencionables)

PRAZO: O prazo de presentación de solicitudes remata o 28 de xaneiro de 2012.

Podedes descargar este bando en pdf aquí: Axudas Silvicultura e prev ataq lobo.pdf

Curso de Galego 2012

admin — Mon, 16 Jan 2012 09:41:42 +0000

Dona María Luísa Piñeiro Arcos, Alcaldesa – Presidenta do Concello de Moraña
Fai saber:
Que a Xunta de Galicia anunciou a convocatoria de cursos de lingua galega preparatorios para as probas dos niveis Celga 1, Celga 2, Celga 3 e Celga 4 para particulares (adultos) no ano 2012.
De cara a que o Concello de Moraña poida solicitar algún destes cursos, todas aquelas persoas interesadas en asistir poden preinscribirse acudindo ás oficinas municipais ou chamando por telefono ao número 986 55 3005 ata o 27 de xaneiro.

Moraña, 10 de xaneiro de 2012

Podedes descargar este bando aquí: Curso Galego 2012.pdf