Buscar...

Escola de Nais e Pais

Compartir

Prezadas nais e pais do Concello de Moraña:
Dende o Concello estamos xestionando unha Escola de nais e pais co obxetivo de apoiar as familias na difícil tarefa de educar. Os fillos cambian e tamén os tempos e é importante adaptar as nosas estratexias para que o noso traballo como nais e pais sexa efectivo. Hoxe os pequenos da casa chegan antes á adolescencia e temos que estar preparados porque é una etapa dura non só para eles senón para nós. Necesitamos falar destes problemas para aproveitar a experiencia dos profesionais e tamén doutras nais e pais e así adiantarnos aos problemas e resolvelos con solucións axeitadas. Tamén é importante lembrar que non estamos sós nestas complexas etapas do crecemento dos fillos, só temos que aceptar as axudas e estar dispostos a aprender entre todos.
Na escola de nais e pais falamos da comunicación cos fillos/as, das estratexias para afrontar os problemas, da importancia das normas, dos síntomas cando as cousas non están ben, dos perigos do fracaso escolar, das nosas emocións e das emocións dos menores, da importancia da unión da parella fronte ás dificultades e moitas cousas máis. A proposta está aberta a todos e todas, tedes as datas e horarios dos encontros no reverso, esperámosvos.
Un saúdo
A alcaldesa
DATAS E HORARIOS

    1- Nenos e nenas que non obedecen. 23 de outubro as 19 hs.
    2- Adolescentes: comunicación e límites. 24 de outubro as 19 hs.
    3- Protección ou sobreprotección. 30 de outubro as 19 hs
    4- Como xestionar as responsabilidades dos fillos/as. 31 de outubro as 19 hs
    5- Atención, hábitos de estudo e fracaso escolar. 6 de novembro as 19 hs
    6- A importancia dos modelos dentro e fora do contexto familiar. 7 de novembro as 19 hs
    7- As figuras de autoridade. 13 de novembro as 19 hs
    8- Estratexias cando as cousas non están ben. 14 de novembro as 19 hs

Para calquer consulta chama ao Concello. 986 553005
Actividade finaciada pola Deputación de Pontevedra


Pódese descargar esta carta en pdf aquí: Escola carta
Pódese descargar o cartel desta actividade aquí: cartel-escola-nais-pais
Pódese descargar o folleto desta actividade aquí: Folleto nais-pais

Accesibilidade