FINALIZACIÓN DAS PRÁCTICAS DE MANEXO E MANTEMENTO DE TRACTOR FORESTAL

O alumando do Obradoiro de Emprego Xóvenes Moraña Portas Valga pertencente ós concellos de Moraña, Portas e Valga realizaron as prácticas do módulo “manexo e mantemento de tractores forestais”.

Todos e cada un dos alumnos e alumnas da especialidade de forestais realizaron prácticas formativas de tractor con brazo lateral hidráulico no entorno da azucreira de Portas. Puideron comprobar as vantaxes do tractor con brazo rozador con alta eficiencia e velocidade para rozar grandes superficies e sobre todo a capacidade para achegarse a terreos difíciles, pendentes e zoas inaccesibles, sendo moi preciso no corte controlado incluso preto de obstáculos. Permite, asemade, traballar con moitos tipos de vexetación como herba, arbustos e ramas.

As prácticas foron desenvolvidas baixo a supervisión do docente experto en traballos forestais e contaron coa colaboración do encargado de obras do Concello de Portas, garantindo así a correcta aplicación dos coñecementos teóricos adquiridos ao longo do módulo.

Durante o desenvolvemento destas actividades, o alumnado recibiu a visita do alcalde de Portas, Ricardo Martínez, e da directora do obradoiro, Mª Carmen Vidal, quen destacaron a importancia deste tipo de formación práctica para mellorar a cualificación profesional e favorecer a inserción laboral no sector forestal.

O obradoiro de emprego iniciou o 14 de novembro de 2024 ten unha duración de 12 meses.O Obradoiro de Emprego Xóvenes Moraña Portas Valga está cofinanciado polo Fondo Social Europeo Plus no marco do programa FSE + Galicia 2021-2027.